Хэлэлцүүлгийн үеэр 2026 оны аймгийн төсвийн төслийг хэлэлцэж буйтай холбогдуулан ирэх онд аймаг, сум, тосгодод хийгдэх хөрөнгө оруулалт, бүтээн байгуулалтын ажлын мэдээлэл, цаашид анхаарах асуудлын талаар аймгийн ИТХ-ын Ажлын алба болон аймгийн ЗДТГ-ын Бүс, орон нутгийн хөрөнгө оруулалт, бодлого төлөвлөлтийн хэлтэс мэдээлэл өглөө. Мөн төлөөлөгчдийн дэвшүүлсэн саналыг хэрхэн таван жилийн үндсэн чиглэлд тусгах талаар ярилцаж, саналыг бичгээр болон амаар хүлээн авч ажиллав.

Аймгийн ИТХ-ын ажлын албанаас аймаг, сумын ИТХ-ын төлөөлөгчид, ажлын албадын дунд 3 төрөлт спортын нөхөрсөг тэмцээнийг 11 дүгээр сарын 01-ний өдөр аймгийн төв Сүхбаатар хотод амжилттай зохион байгууллаа. 🥈Энэхүү нөхөрсөг тэмцээнд 17 сум, Аймгийн ИТХ-ын 2 баг нийт 19 багийн 300 тамирчид хурд хүч, авхаалж самбаа, ур чадвараараа өрсөлдөж, манай баг тамирчид "Дартсын тэмцээн"-д "Дэд байр"-т шалгарсан амжилтыг үзүүллээ.

Сургалтын зорилго: Ерөө сумын ИТХ-ын төлөөлөгчдөд Хурлын байгууллагын үйл ажиллагаанд мөрдөгдөх хууль, тогтоомжийг хэрэгжүүлэхэд анхаарах асуудлын талаар нэгдсэн мэдээлэл өгөх, ИТХ-ын төлөөлөгчид Хуралдаа болон тойрогтоо ажиллах, шинэ мэдлэг олгоход чиглэгдэнэ. Тунгаамал төв ТББ доорх сэдвүүдээр сургалтыг зохион байгуулж байна. 1. ИТХ-ын төлөөлөгчийн эрх, үүрэг түүний хэрэгжилт 2. ИТХ-ын төлөөлөгчийн ажиллах эрх зүйн орчин 3. ИТХ-ын хуралдааны дэгтэй холбоотой анхаарах зарим асуудлууд 4. ИТХ-ын хяналтын эрх 5. ИТХ-ын төлөөлөгчийн ёс зүй, ашиг сонирхлын зөрчил 6. Төсөв батлахад анхаарах асуудлууд

Аймгийн Засаг даргын санаачилгаар Сумдын удирдлага, санхүүгийн бодлого, төлөвлөлтийн удирдлагын чадавхийг бэхжүүлэх, нутгийн өөрөө удирдах байгууллагын үйл ажиллагааны үр дүнг дээшлүүлэх, төрийн үйлчилгээг иргэдэд чанартай, шуурхай хүргэх зорилгоор "Хөрөнгө оруулалтаас хөгжилрүү" сэдэвт сургалтад сумдын удирдлагууд хамрагдаж байна.

Хурлаар Гэр бүлийн хүчирхийллээс урьдчилан сэргийлэх, Хүүхэд хамгааллын тухай хуулийн хэрэгжилт, Хүрээлэн байгаа орчны эсрэг гэмт хэргээс урьдчилан сэргийлэх, холбогдох хууль журмын хэрэгжилтийн талаар сумын төвийн болон Бугант тосгоны сургууль, цэцэрлэг, Хүүхэд хамгааллын Хамтарсан баг, Байгаль орчны алба, Цагдаагийн тасгаас хийж хэрэгжүүлсэн ажлын тайлан мэдээллийг сонсож хэлэлцлээ. 📌Зөвлөлийн хурлаас Хүүхэд хамгаалал, замын хөдөлгөөний аюулгүй байдлыг хангаж ажиллах, насанд хүрээгүй иргэд мотоцикл, машин унаж зам тээврийн осол гаргахаас урьдчилан сэргийлэх, Байгаль хамгаалагч, Байгаль орчны улсын байцаагч Цагдаагийн тасагт Хүрээлэн байгаа орчны эсрэг гэмт хэргээс урьдчилан сэргийлэх, таслан зогсоох ажлыг эрчимжүүлэн ажиллахыг үүрэг болголоо. ✅🚦Зам тээврийн осол гэмтлээс урьдчилан сэргийлэх зорилгоор сургууль, цэцэрлэгийн орчмын авто зам дээр 2750,000 төгрөгийн үнэ бүхий хурд сааруулагч болон замын анхааруулах тэмдгүүдийг байршуулахаар хүлээлгэн өглөө.

Ерөө сумын “Бугант нандин” ХХК, “ДИ ЗЭТ ЭНД АЙ” ХХК-нь нийгмийн хариуцлагын хүрээнд сумын Засаг даргатай гэрээ байгуулан өөрийн хөрөнгөөр гүйцэтгэж байгаа Бугант 3-р багийн "Булгийн даваа"-ны замын зорчих хэсгийн аюултай хэсгүүдэд замын өргөнийг 10м болгон өргөсгөх, засвар, тохижилтын ажлын явцтай ИТХ-ын Дэд бүтцийн бодлогын хорооны дарга, Төлөөлөгч Ж.Бямбажаргал болон ажлын албанаас танилцлаа.

ХАЛУУН СЭТГЭЛ” САЙН ҮЙЛСИЙН АЯНЫ АРГА ХЭМЖЭЭ 2025.03.11-ний ӨДӨР ЕРӨӨ СУМЫН 3-Р БАГ БУГАНТ ТОСГОНД БОЛЛОО. Ерөө сумын ИТХ-д 3-р багаас сонгогдсон Төлөөлөгчид санаачлан ахуйн галын аюулд өртөж гэр оронгүй болсон 4 өрхийг /18 ам бүл/ орон гэртээ болоход нь тус дэм болох зорилгоор Бугант тосгонд үйл ажиллагаа эрхэлдэг ойн модны мэргэжлийн байгууллага, нөхөрлөлүүдийн дунд “Халуун сэтгэл” тусламжийн аяныг өрнүүлж 13 аж ахуй нэгжээс 728 ширхэг байшингийн палк банз, ойн 4 нөхөрлөлөөс 80 ширхэг палк мод, нийт 800 ширхэг байшингийн палк мод хандивласныг 3-р багийн иргэн Ц.Амарбат, П.Эрдэнэболд, Н.Золжаргал, Б.Даваа зэрэг 4 өрхөд хүлээлгэн өглөө. Энэхүү аяны хүрээнд Ерөө сумын Засаг Дарга Э.Одгарав өрх тус бүрд 1,000,000 /нэг сая/ төгрөг нийт 4,000,000 /дөрвөн сая/ төгрөгийн тусламж дэмжлэгийг үзүүлэн хамтран ажиллалаа. Аянд нэгдэж нийгмийн хариуцлагын хүрээнд тусламж дэмжлэг үзүүлсэн 13 ААН, 4 нөхөрлөлийн хамт олонд талархал илэрхийлье. Сайн үйлс бүхэн дэлгэрэх болтугай. ИТХ-ын Төлөөлөгчид

Цаг агаарын дулааралтай холбоотой халиа тошин үүсэх, цаашлаад шар усны үер болох эрсдлийг бий болгож байна. Ерөө сумын Бугант тосгоны Чулуутын хэсэгт хөрсний ус дээшилж, халиа тошин үүссэний улмаас тус орчны айл өрхүүд усанд автах нөхцөл үүссэнтэй холбогдуулан сумын ИТХ-ын дарга Т.Болд болон бусад Төлөөлөгчид, Засаг даргын Тамгын газрын холбогдох мэргэжилтнүүд асуудлыг газар дээр нь шийдвэрлэж Засаг даргын нөөц хөрөнгөнөөс 2 сая төгрөг зарцуулан, хэсгийн дарга С.Оюун удирдан зохион байгуулж ажиллалаа.

"Сумын төвөөс 3-р баг руу явах зам буюу Булгийн даваа, Майдрын давааны замын огцом эргэлттэй хэсэгт замын хаалт хийх" ажлын зураг төсвийн явцтай ИТХ-ын дарга Т.Болд танилцаж, ажлын даалгавар дээр нэмэлт чиглэл өгч ажиллалаа.

2024-03-13-нд ХҮҮХЭД ХАМГААЛАЛ БА БОЛОВСРОЛЫН ХАРИЛЦААНД ОРОЛЦОГЧДЫН ЭРХ ҮҮРЭГ, ХАРИУЦЛАГА, ХАРИЛЦАА, ХАНДЛАГА сэдэвт сургалтанд Сэлэнгэ аймаг Eрөө сумын Т.Бямбаагийн нэрэмжит EБС -ийн 8-12-р ангийн суралцагчид, багш ажилтнууд эцэг эхчүүд хамрагдлаа. Энэхүү сургалтыг хуульч, өмгөөлөгч, сургагч багш А.Энхбаатар зохион байгуулан явуулсан бөгөөд сургалтаар боловсролын харилцаанд оролцогчдын эрх үүрэг, цаашид анхаарах асуудлуудыг бодит жишээнд тулгуурлан нэг бүрчлэн тайлбарласан нь багш ажилтан, суралцагч, эцэг эхчүүдийн талархлыг хүлээсэн сайхан сургалт болсон. Сургалтанд давхардсан тоогоор 535 эцэг эх, асран хамгаалагч, харгалзан дэмжигчид оролцсон бөгөөд оролцогчдын сэтгэл ханамж өндөр байлаа. Хүүхдийн хөгжлийн төлөө хамтран ажилласан хүндэт эцэг эхчүүдэдээ болон бидний хүсэлтийг хүлээн авч цаг гарган зорьж ирсэн хуульч, өмгөөлөгч А.Энхбаатар багшдаа чин сэтгэлийн талархал илэрхийлж ажил амьдралд нь сайн сайхан бүхнийг хүсье.